2015年7月25日 星期六

ACG HONG KONG 2015


好耐無寫BLOG, 積積埋埋都有幾十款玩具無時間同佢地影相, 今日早收工諗住去行下幾年都無去嘅動漫節, JOIN返D朋友一齊行下, 誰不知發現了現在的動漫節已經變得好陌生!!

根據小弟嘅觀察. 發現動漫節內有幾類人!!
  1. 第一類係對玩具, 動漫有興趣, 想買或看看新產品嘅人!!
  2. 第二類係入去買會場限定的炒家, 好似小弟D朋友咁, 一早就請訂假, 清晨 4-5:00入場排隊, 排到我收咗工入場, 再行哂成個會場, 想走人都仲排緊隊嘅人, 佢地嘅目的係為咗拎張單上網炒!!
  3. 第三類係南亞人, 阿公, 阿婆帶住幾個幾歲嘅小朋友一齊排隊, 買大量會場限定貨品, 小弟唔知佢地嘅目的係咩(可能真係買十幾副千值練比小朋友玩), 只係覺得D小朋友好辛苦!!
  4. 第四類係COSPLAYER, 可能小弟年紀大, 當年漫畫節真係無咁多COSPLAYER, 不過依家D女COSPLAYER真係好"卡娃依", 只怪自己"生不逄時"!!
  5. 第五類係追實女COSPLAYER去影嘅龍友, 大部份係年紀有返咁上下, 而且佢地手上嘅長鏡永遠唔會影玩具!!

其實小弟絕無崎視以上各類人, 因為小弟有時都會做以上行為 (除了COSPLAY), 只係覺得自己跟現在的動漫節有脫節, 可能自己已經變了老人家......

最終小弟在會場內連一毫子消費都無, 只係離場後去報攤買了兩本港漫!!

咁玩法!! 下年仲應唔應該去????

HASBRO

今年推SDCC會場版 建造派, 賣點是 18" 高 + 6合1 + 電鍍色, 會場版一定唔考慮, 太貴!!反而訂了日版, 本來建造派無興趣, 後來見到第三方會出補品, 而且TAKARA版本修改咗關節, 價錢仲平過HASBRO VERSION, 最終都敗了!!   




 



 
MP25 TRACK & MP26 ROAD RAGE, 會場無得賣, 只供欣賞 !! 



 
 
MARVEL LEGENDS RIHNO SET, 會場無得賣, 有幾款都幾吸引!!
 
 
 
 
 
 
 
ANTMAN BOXSET SDCC會場版, 會場無得賣, 只供欣賞 !!
 




BANDAI

今年是GUNDAM 35周年模型展,有齊各款模型!最吸引小弟當然是無買過嘅PG及小弟最喜歡的RG!

最可惜是沒有SHF 展出!!



 







 
KING ART 

大量買不起的IRONMAN 9"玩具,質素其實拍得住HOTTOYS,只係人像頭雕仍然比不上HOTTOYS,睇完當玩咗!

 


 
 
 



 
千值練

又係買不起的IRONMAN玩具,以漫畫版IRONMAN為主,今年推會場版IRON PATRIOT,聽聞只會在會場推售,炒家們的目標!!



 
HOTTOYS
 
入場的主要目標就是為了欣賞HOTTOYS的玩具,同樣亦是炒家們必爭之地!!
 
今年推IRONMAN & STAR WAR,展出的展品完全是為了SHOW OFF,除了12"及18"FIGURE外,還有巨型的太空船+AVENGERS2場景,完全唔係一般玩家有可以收藏!
 

 
















 








 























 
 
KIDSLOGIC 

很小接觸的品牌,以Q版日,美玩角色為主,IRONMAN,TRANSFORMER,機戰角色,星矢 及 STREET FIGHTER都有,質素不差,但價錢不算親民!!




















HK COMIC TOYS

小量港漫角色12"FIGURE,龍虎門,古惑仔,鐵將縱橫,封神紀及大拳都有,質素算是合格以上,只是大拳有點失色!

 

 



BONUS: COSPLAYERS
 
呢PART原來是小弟最喜歡環節!