2013年5月10日 星期五

無錢買Hot Toy 12" Ironman MK6, 只好......


 Ironman 3 近期熱爆, 廣告不停宣傳五日開畫破幾多億票房, 小弟睇完電影, 又玩過 Mark 42 及Iron Patriot 後有點失落, 於是手痕搵番隻MK6出來重新上色!!

有了之前的經驗, 重塗所花的時間比以往短一點, 原因是今次只用金屬紅色噴一次, 放棄了先噴金色為底色, 再噴透明紅色這個上色技巧!! 
 雖然噴金屬紅色的效果不及噴兩次油的效果, 而且偏向鮮紅色,但上其他顏色後需要補色就方便得多了!!
金色方面跟之前REPAINT的MK3一樣, 選用了較金的金色, 跟Ironman本來設定的偏黃金色不一樣!!

最難上色的地方是雙眼, 雖然IRONMAN沒有眼珠, 雙眼只是白光一片, 但雙眼圍邊的藍色就十分難搞, 油了5-6次才做到可以接受的較果!! 腹部的金色線同樣是另一大難提, 油的次數比雙眼圍邊更多, 不停補色重油, 超過10多次!!

今次REPAINT的效果只屬一般, 純粹被IRONMAN3風潮影響而玩重塗, 時間用得太短, 希望下一次可以弄另一款令自己滿意的作品!!